A Casa Botana é un exemplo tipoloxico magnífico da evolución das vivendas da primeira metade do S.XX. Atópase nunha situación privilexiada no casco histórico de Cambados, zona de confluencia entre a ría e do antigo Pazo de Bazán. A súa evolución histórica amósase nos seus diferentes volumes. Circunstancia que marcará a intervención na mesma.

O seu estado previo, presentaba diversas patoloxías, maioritariamente consecuencias das filtracións de auga dende o terreo e a cuberta. Sendo nesta última a intervención máis significativa.

A proposta de cuberta responde a un extenso análise tipolóxico en busca do valor propio de cada volume, e por iso, argumentando en contra das premisas do planeamento municipal, o volume da fachada eclética, que tiña claras concominancias co Tratado de Serlio, Libro III e IV, precisaba adquirir todo o seu carácter renacentista relegando á súa cobertura a un segundo plano e realizando un peitoril, formando un antepeito por riba da fachada de tal forma que a cuberta quedase relegada a un segundo plano, sen incidencia no alzado, chegando a ser plana para un mellor control construtivo e unha mellor lectura do conxunto.

Coa rehabilitación buscase a dignificación e solución dos problemas das cubertas, restaurar e conservar o pavimento de baldosa hidraúlica e o artesanado de madeira, a reinterpretación dunha escaleira completamente arruinada, a consolidación da cheminea prácticamente en colapso, e recuperar a fachada vexetal (como así demanda o seu alcume: Casa das hedras). 

Por último remarcar que a cor tomou un papel importante nos elementos da súa envolvente. Tanto a proposta cromática do volume clasicista como as carpintarías (que se realizarán nunha fase futura).

O proxecto parte do coñecemento e respeto máximo á arquitectura existente, e en base a iso se traza un novo plantexamento dende unha perspectiva de constante evolución da vivenda, así pois non se pretende voltar ao punto de partida de principios do século XX senón mais ben, entender a súa idiosincracia e actualizar os seus estándares construtivos e estéticos.