A premisa de partida nesta rehabilitación era recuperar os condicionantes tipolóxicos da edificación tradicional que se atopaban ocultos tras a madexa de intervencións posteriores. Neste caso a vivenda presentaba uns espazos de relación algo distorsionados, manifestos na ocultación dos canzorros e piares, perda funcional da solaina, nova terraza fóra de escala…

Se ben o programa de usos, con catro dormitorios, impedía a recuperación fidedigna dun espazo tan senlleiro como é a solaina da vivenda, a intervención proxectada buscar a recuperación dos seus significantes históricos mediante a configuración dun volume lixeiro de madeira en liña cos preceptos morfolóxicos tradicionais.