Humanización en O Pereiro (1ª fase), O Pereiro de Aguiar
Proxecto 2020, Fin de Obra 2022
O presente proxecto trata de asentar as liñas básicas de reordenación e urbanización do núcleo de O Pereiro, na busca de achegar o espazo urbano ao usuario, a recuperación dos seus valores patrimoniais e dotalo de tódolos servizos axeitados. Nas últimas décadas, o peón foi desprazado deste espazo público por mor do predominio do automóbil como principal vector de mobilidade dentro do núcleo, existen varios inmobles abandonados ou en ruínas e a falta de previsión de instalacións xunto con todo o tendido de cables produce unha sensación pouco axeitada para un núcleo destas características.
Se pretendeu dignificar o espazo público do núcleo de O Pereiro coa seguinte estratexia:
- Se dispuxo unha pavimentación acorde a un espazo tradicional, onde o viandante teña o dominio do espazo e non o coche.
- Se actualizou o sistema das instalacións do núcleo. Ademais de substituír as redes xa existentes de saneamento e fontanería, executouse un sistema de canalizacións das augas pluviais, telecomunicacións, electricidade e alumeado público renovadas e soterradas.
- Se dispuxo un mobiliario urbano acorde coa imaxe do núcleo que sirve para fomentar relacións entre os seus habitantes e usuarios.
Pechando esta intervención da trama histórica de O Pereiro, se interviu no antigo Concello municipal, hoxe biblioteca pública, restaurando as súas fachadas, cubertas e intalacións para devolverlle ao edificio o seu carácter histórico como equipamento representantivo do núcleo, xa que na actualidade que se atopaba nun estado de deixadez, mutilado por desafortunadas intervencións realizadas nestas décadas pasadas.
